Mbrëmë ka ndodhur një aksident trafiku në fshatin Duhël të komunës së Suharekës, ku humbi jetën një person. Burimet e Gazetës Sinjali kanë njoftuar se viktima është Behxhet Zekolli.
Zekolli ndërroi jetë pasi derisa ishte duke vozitur, u përfshi në një aksident me dy vetura tjera afër një pompe të benzinës.
Si ndodhi aksidenti?
Burimet e Gazetës Sinjali kanë bërë të ditur se aksidenti ka ndodhur afër një pompe të benzinës dhe deri te aksidenti kishte ardhur për shkak të shpejtësisë së madhe të njërës veturë të tipit “Mini Cooper”, e cila më pas kishte goditur dy vetura tjera – “Mercedes” dhe “Golf 5”.
Pas aksidentit, shoferi i “Mercedesit” ka dalë nga vetura dhe është shtrirë në asfalt e më pas është dërguar pa shenja jete në spital, ndërsa dy shoferët tjerë kishin pësuar lëndime të lehta.
Sipas të njëjtave burime, shoferi i veturës që e ka shkaktuar aksidentin është ende duke u trajtuar në spital, por ndaj tij është caktuar masa e ndalimit prej 48 orëve.
Tashmë, trupi i pajetë i shoferit është dërguar për obduksion në Institutin e Mjekësisë Ligjore.Gazeta Sinjali
