Zafir Berisha nga NISMA, ka thënë se Dick Marty duhet të dëshmoj në Hagë, se raporti i tij për luftën e UÇK-së, ishte komplot serbo-rusë kundër Kosovës.
Sipas tij, senatori Zvicëran me “raportin” e tij i shërbeu gjeopolitikës djallzore ruse, e cila përmes Serbisë vazhdon ta mbaj Ballkanin si vatër lufte.
Deklarata e plotë e tij:
Dick Marty duhet të dëshmoj në Hagë, se raporti i tij për luftën e UÇK-së, ishte komplot serbo-rusë kundër Kosovës!
Daklarata e Dick Marty se është target i eliminimit fizik nga shërbimi sekret serb, nuk është ndonjë lajm senzacional për ata që e njohin logjikën e veprimit të Serbisë dhe Rusisë me shërbëtorët e tyre (të cilët në të gjitha periudhat historike janë eliminuar, për ti humbur gjurmët)!
Bashkëpunimi i Dick Marty me ish ambasadorin e Serbisë në Zvicër Milan Protiç dhe Konstantin Kosachev, asokohe kryesues i deputetëve të Federatës Ruse në Këshill të Evropës, për të fabrikuar dosje kundër luftëtarve të UÇK-së, të cilat pastaj i përmblodhi në një raport nga ku derivoj Gjykata Speciale, ishte karremi më i madhë që evropianët e hëngrën nga Serbia dhe Rusia.
Milan Potriç në Tv “Happy” të Serbisë kishte deklaruar në mes tjerash, se si para se me shkuar me mision në Zvicër, kishte takuar prokurorin Vukçeviq dhe zëvendsin e tij Bruno Vekariq, nga të cilët kishte marrur një dosje prej më shumë se 1000 faqesh me foto dhe dëshmitar kundër UÇK-së, të cilat pas një kohe do ti dorzonte Dick Marty.
Me vetëdije apo pa të, senatori Zvicëran me “raportin” e tij (duke tentuar të barazoi luftën çlirimtare të UÇK-së, me luftën gjenocidale të Serbisë) i shërbeu gjeopolitikës djallzore ruse, e cila përmes Serbisë vazhdon ta mbaj Ballkanin si vatër lufte.
Dick Marty, duhet të jetë dëshmitar në Gjykatën Speciale, dhe të dëshmoj për komplotin sllavo-rusë kundër Kosovës, para se të ik në botën tjetër!!!
Zafa
