Dy të rinjtë që po ndiqeshin mbrëmë nga policia janë filmuar nga kamerat e sigurisë teksa parkuan makinën në zonën e ‘Astirit’ dhe u larguan në drejtim të paditur.
Ata i hedhin një sy zonës dhe largohen me këmbë. Mbrëmë, efektivët dyshohet se ishin në gjurmët e një personi të kërkuar për ‘grabitje me armë’.
Pasi ka braktisur mjetin tip Benz ML, personi në kërkim së bashku me tjetrin që e shoqëronte janë larguar duke i shpëtuar prangave të policisë.
Në pjesën e pasme të makinës që mendohet se ka qenë e autorëve duket dhe shenja e plumbit dhe xhami i pasmë është i thyer.
Policia ka vijuar kontrollet e lokaleve dhe serviseve me shpresën se do arrestonin ndonjë nga personat por ata kanë mundur të iknin me vrap.
Për aksionin nuk ka ende një njoftim zyrtar nga ana e Policisë së Tiranës.
