Ambasadori i Ukrainës në Gjermani, Andriy Melnyk, e ka kritikuar reagimin e qeverisë gjermane ndaj pushtimit rus të Ukrainës, duke e cilësuar si reagim ‘zemërftohtë’
“Më duhet të ju tregoj se nuk kam qarë shumë vjet. Sot ishte ajo ditë dhe ne qamë. Megjithatë, jo vetëm për shkak të luftës së pabesë të asgjësimit. Unë, në të vërtetë, qava sot për shkak të ftohtësisë dhe indiferencës që hasa në Berlin gjatë ditës”, deklaroi ambasadori ukrainas.
Melnyk citoi qeveritarët gjermanë t’i kenë thënë: “Sipas vlerësimit tonë, ju, ukrainasit, mund të keni edhe disa orë. Nuk ka kurrfarë kuptimi që t’ju ndihmojë tash.”
Ai u bëri thirrje gjermanëve që ta ndihmojnë Ukrainën për t’ia ndryshuar mendjen qeverisë federale. “Kjo politikë, ky ngurrim na lë si kurban që theret para kamerave”, tha ambasadori ukrainas.
Përndryshe, Gjermania është kritikuar shumë prej fillimit të krizës së Ukrainës, për qasjen e tyre ndaj shtetit rus, qasje kjo që kryekëput nga varësia në dukje e Gjermanisë ndaj gazit rus.
