Autoriteti Rrugor Shqiptar ka shpërndarë një video në rrjetet sociale nga aksin rrugor Bogë-Theth i cili është mbuluar nga dëbora.
Teksa mësohet se temperaturat në këtë zonë kanë shkuar deri në -14 gradë, ARRSH bën me dije se qarkullimi kryhet me zinxhir.
Ndër të tjera ARRSH ndërsa i bën thirrje drejtuesve të automjeteve të reduktojnë shpejtësinë dhe të ndjekin udhëzimet e policisë.
“Në aksin Bogë-Theth nuk ka reshje dëbore. Temperatura është -14°C.Si pasojë e erës së fortë ka depozitime të dëborës në trup të rrugës.
Kontraktorët me mjetet borëpastruese janë në terren dhe po bëjnë pastrimin e aksit. Qarkullimi kryhet me zinxhir
Drejtuesit e mjeteve, duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, njofton ARRSH./ Gazeta Shqip
