Ne flasim për ndjenjën e kimisë tek njerëzit, fluturat në stomak dhe krijimin e ndjenjës së pasionit. Por si formohet dashuria e vërtetë? Kalimi nga pëlqim në atë që ne e njohim si të biesh në dashuri mund të varet nga shumë faktorë.
Së pari, ne e dimë se dy njerëz kanë një shans më të madh për t’u dashuruar nëse jetojnë afër njëri-tjetrit dhe nëse e shohin shpesh njëri-tjetrin. Kjo afërsi i bën njerëzit më të prirur për të krijuar dhe ndërtuar marrëdhënie romantike.
Por sa kohë mund t’u duhet njerëzve që të bien në dashuri? Duke folur shkencërisht, është një pyetje tepër e vështirë për t’iu përgjigjur…
Sa kohë duhet për të rënë në dashuri?
Fatkeqësisht, edhe ekspertët nuk mund të vendosin një afat kohor të saktë për këto gjëra. Është një fushë e rrallë ku shkencëtarët nga të gjithë disiplinat bien dakord: nuk ka një numër të caktuar ditësh, vitesh apo stinësh për të rënë në dashuri.
Dr Sandra Langeslag, një neuroshkencëtare e sjelljes në Universitetin e Misurit, thotë se edhe pse ne mund të matim nivele të ndryshme të dashurisë në çifte me kalimin e kohës, është e vështirë të përcaktojmë se kur shfaqen fillimisht këto ndjenja.
“Ne mund të vëzhgojmë ndryshime në dashuri me kalimin e kohës. Ne e dimë se dashuria zvogëlohet relativisht shpejt me kalimin e kohës. Edhe pse nuk kemi një numër të fortë, por fluturat në stomak, ato ikin. Kjo mund të zhvillohet në lidhje, dhe ka gjithashtu të dhëna që tregojnë se lidhja zvogëlohet me kalimin e dekadave tek çiftet e martuara”, shton ajo.
A është e vërtetë dashuria me shikim të parë?
Ndërsa kjo nuk është diçka që mund ta matim lehtësisht, Langeslag thotë se ka të ngjarë që dashuria me shikim të parë të ekzistojë thjesht sepse njerëzit raportojnë se ekziston.
“Disa njerëz do të bien në dashuri ndoshta vetëm një herë në jetën e tyre. Disa njerëz dashurohen shumë herë. Ka dallime të mëdha individuale në atë se sa shpejt njerëzit bien në dashuri, sa shpesh janë të dashuruar ose nëse dashurohen apo jo fare”, thotë Langeslag.
Në vitin 2014, studiuesit nga Universiteti i Çikagos u përpoqën të vënë në provë dashurinë me shikim të parë. Ata u treguan pjesëmarrësve një sërë imazhesh dhe gjurmuan lëvizjet e syve të tyre. Ndërsa ata nuk mund ta përcaktonin saktësisht fenomenin, shkencëtarët ishin në gjendje të dallonin midis modeleve të syve të lidhur me epshin dhe dashurisë romantike.
Sipas Langeslag, dashuria me shikim të parë nuk garanton që një romancë të zgjasë.
“Tërheqja i ndihmon njerëzit të lidhen dhe të riprodhohen, por dashuria dhe lidhja i ndihmon njerëzit të qëndrojnë së bashku dhe, në aspektin evolucionar dhe të kujdesen më mirë për fëmijët e tyre,” thotë Langeslag.
