Një prej veturave që aktori i ndjerë Paul Walker e kishte përdorur për realizimin e filmit Fast and the Furious, është shitur nga një shtëpi ankandesh.
Fjala është për modelin Eclipse GS nga Mitsubishi, që u shfaq në pjesën e parë të franshizës legjendare, e që e voziste Walker në rolin e Brian O’Conor, transmeton Telegrafi.
Vetura është prodhuar në vitin 1995 dhe u përdor për xhirimin e skenave të para të filmit. Ajo është e lyer me ngjyrë të gjelbër dhe kishte disa dekorime.
Atë e vë në lëvizje motori 2 litërsh DOHC 16 v me katër cilindra, që prodhon 210 kuaj-fuqi dhe që ka ndërrues automatik të shpejtësive.
Në brendësi ka karriget sportive të markës Sparco, Jensen CD stereo sistem. Në pjesën e pasme gjendet spojleri APR Performance.
Janë fellne e aluminit dhe gomat e Toyo Proxes me dimensione 225/40/ZR18, që e bënë këtë veturë të duket më agresive.
Pronari i ri për këtë veturë ka ndarë hiq më pak se 170.500 dollarë. /Telegrafi/
