Sot në Serbi është zhvilluar referendumi për ndryshimet kushtetuese.
Edhe në komunën e Preshevës si në çdo qytet tjetër në Serbi në ora 7:OO të mëngjesit janë hapur kutitë e votimit.
Kryetari i Komisionit Komunal Zgjedhor, Kenan Kamberi për portalin rtvpresheva.com ka deklaruar se deri 20 minuta para mbylljes së vendvotimeve kanë votuar gjithsej 1012 qytetar ose vetëm 2.4% e numrit të përgjithshëm të votuesve në komunën e Preshevës. Votuesit e paktë ishin nga vendbanimet serbe kurse në vendbanimet shqiptare u vërejt bojkot total. Në shumicën absolute të vendvotimeve, përveç atyre serbe, në kutitë e votimit shihet se nuk ka asnjë votë ose 2-3 vota.
Ashtu sikur se parashihej qysh me shpalljen e datës për referendum shihej qartë disponimi i shqiptarëve për bojkot. Portali rtvpresheva.com merr vesh se edhe në komunën e Bujanocit shqiptarët në masë të madhe bojkotuan referendumi.
