SPAK-ut po i japim një informacion si indice, që bënë fjalë për maskimin e kësaj vjedhjeje, brenda fondit të emergjencës, akorduar nga shteti për ndërtimin e shkollave të dëmtuara nga tërmeti; ndërsa Erjon Veliaj dhe oligarku Gentian Sula, duhet të tregojnë se në cilat lagje të njësive nr. 9 e nr. 11 të Tiranës i kanë ndërtuar këto 5 shkolla e çfarë emrash kanë, për të cilat janë paguar paradhënie 19 milionë Euro, pasi në ministrinë e Arsimit nuk figurojnë objekte të ndërtuar me koncesionin “Z.M.A shpk”
E dimë, që shefat e SPAK kanë shumë dosje korruptive në sirtare, por të paktën të hetojnë 1 nga 180 denoncimet dhe 35 kallëzimet që kanë për aferat ekonomike-financiare të kryebashkiakut të Tiranës, Erjon Veliaj me oligarkët e trafikantët ndërtues, të cilat dalin e shtohen përditë.
Redaksia “Pamfleti”, po publikon një tjetër pazar me vlerë 23 milionë Euro, që Erjon Veliaj dhe ish-ministrja Lindita Nikolla, ia kanë dhënë si koncesion oligarkut Gentian Sula, tashmë i kërkuar edhe nga drejtësia e Kosovës, për ndërtime të paligjshme në Brezovicë kundrejt ryshfetit 400 mijë Euro me serbin Bratislav Nikoliç.
Koncesioni i është dhënë dy firmave “Agi Kons shpk” e “MET-ENGENEERING Shpk” të oligarkut Gentian Sula në masën 99.85% të vlerës dhe 0.15% firmës kukull sa për numër ligjor “ZENIT&CO shpk”, po e familjarëve të oligarkut, maskuar pas shoqërisë “Z.M.A Shpk”.
Objekt i këtij koncesioni të dhënë më 17 tetor 2018, është: “Projektimi, financimi, ndërtimi, mobilimi, mirëmbajta, mbikëqyrja dhe kolaudimi i 5 objekteve arsimore në zonën “Tirana 1”, që sipas zonës kadastrale përkon me njësitë bashkiake nr. 9 e nr. 11.
Në kontratën e firmosur nga kryebashkiaku Erjon Veliaj dhe ish-Ministrja e Arsimit, Lindita Nikolla, përmendet vlera 23 milionë Euro, përmendet firma që i merr, përmendet dhe sipërfaqja e truallit 27 mijë e 936 m2, por nuk përmenden objektet që do ndërtonte oligarku Gentian Sula.
As në bilancet tatimore të firmës “Z.M.A Shpk” për vitet 2018-2021, nuk ka të dhëna për të ardhurat dhe fitimet nga ky koncesion, ndërsa për vitet 2020-2021 nuk ka asnjë të dhënë financiare, paçka se koncesioni është me afat 7 vite, pra deri më 17 tetor 2025.
Brenda këtij afati, 18 muaj, pra deri më 17 prill 2020, ka qenë koha për ndërtimin e 5 shkollave, por deri sot nuk ka asnjë të dhënë zyrtare në Bashkinë e Tiranës dhe në Ministrinë e Arsimit, nëse këto 5 shkolla janë ndërtuar apo jo dhe si quhen e ku janë ndërtesat.
Si indicie, SPAK-ut po i japim një informacion që bënë fjalë për vjedhje të fondit 23 milionë Euro, duke i maskuar pas fondit të emergjencës për ndërtimin e shkollave të dëmtuara nga tërmeti, akorduar nga buxheti i shtetit.
Erjon Veliaj dhe oligarku Gentian Sula, duhet të faktojnë se në cilat lagje të njësive nr. 9 e nr. 11 të Tiranës, i kanë ndërtuar këto 5 shkolla, për të cilat janë paguar paradhënie 19 milionë Euro.
Brenda këtij koncesioni janë dhe 3.4 milionë Euro për mirmabjten e këtyre 5 shkollave deri në muajin prill 2025, proces që bashkia dhe ministria e Arsimit e kanë paguar, por nuk thonë se në cilat objekte mësimore bëhet kjo mirëmbajtje nga firma përkatëse.
Abuzim tjetër është dhe mungesa në dosje e pagesës 2.3 milionë Euro, detyrim për sigurimin e kontratës koncesionare, ndërkohë që Veliaj i ka shtuar edhe 6.8% të vlerës totale të 23 milionë Euro normë fitimi për firmën, kur kjo është e përcaktuar brenda vlerës së kontratës.
A do merret SPAK me këto dosje të këtij përbindëshi pazaresh mafioze, apo do ta lejojë të rrafshojë edhe Bashkinë, Pallatin e Kulturës e monumentin “Skënderbej” dhe t’ia japë për gradacela “Ndraghet’a”-s e trafikantëve të tjerë?/Pamfleti
