Sipas autopsisë, Aurora Tila, 13-vjeçarja shqiptare që humbi jetën në Piacenza më 25 tetor 2024 pasi u rrëzua nga tarraca e pallatit ku banonte me nënën e saj është shtyrë.
Mediat italiane kanë bërë publike rezultatin e autopsisë nga mjeku Giovanni Cecchetto i cili shprehet: “Lëndimet që ajo kishte nuk janë në përputhje me vetëvrasjen”.
Autor i dyshuar i krimit është ish i dashuri i saj 15-vjeçar, i cili ndodhet në burg nën akuzën për vrasje me dashje.
E mitura u përpoq t'i shpëtonte përndjekjes së tij duke u mbajtur pas parmakut por autori e goditi me forcë në duar, dhe për pasojë Aurora ra nga ballkoni i shtëpisë dhe humbi jetën. Djali, i cili aktualisht ndodhet në paraburgim për të mitur, pretendon se është i pafajshëm.
Autopsia zbuloi fraktura të shumta në trupin e Aurorës, të gjitha që i atribuohen rënies. Lëndimet fatale, të cilat i shkaktuan vdekjen e menjëhershme 13-vjeçares mësohet se ishin ato në kokë.
Më 30 tetor, komuna e Piacenza-s konfirmoi se nëna e së resë kishte bërë një kallëzim në lidhje me sjelljen e të dashurit të saj.
Zonja kishte deklaruar se kishte vështirësi në menaxhimin e pranisë së tij në shtëpi, ndonjëherë edhe gjatë natës. Megjithatë, asnjë sjellje e dhunshme nuk ishte raportuar në polici.
“Konfirmoj që nëna nuk kishte bërë ankesë, por do të doja të pyesja nëse shërbimet sociale, të cilët ishin prindër kujdestarë, kanë bërë ndonjë gjë.
A kontrolluan se kush ishte ky djalë dhe bënë disa hetime në shkollë në qytetin ku jetonte për të kuptuar më mirë nëse shqetësimet e nënës ishin morbide apo reale? Jam në pritje të përgjigjeve dhe shpresoj që të mbërrijnë sa më shpejt”, reaguan më vonë organet kompetente.
