Fiona ka një martesë të lumtur me Elion. Ajo e shijon kohën që kalon me të dhe dëshiron që të kenë një të ardhme së bashku.
Megjithatë, ajo nuk mund të ndalojë së menduari për kolegun e saj Brendon këto ditë. Ajo ëndërron për të, në punë dhe ndonjëherë flirton pak me të kur janë së bashku në orën e pushimit. Por asaj nuk i shkon ndër mend t'i ndante ndjenjat e saj me Brendon dhe sigurisht që nuk ka ndërmend t'i tregojë as bashkëshortit për to.
Megjithatë, ajo shpesh ka fantazi romantike për Brendon. Një natë, ajo madje imagjinoi se po bënte dashuri me të kur po bënte seks me Elion. Ajo u ndje pak në faj për këtë më pas.
Ajo është rreth të tridhjetave, duke ndier njësoj si në adoleshencë.
'Fiksimet' nuk janë vetëm për adoleshentët
Sipas psikologes së Universitetit të New Brunswick (Kanada), Lucia O'Sullivan dhe kolegëve të saj, fiksimet nuk janë vetëm përvojë për adoleshentët. Përkundrazi, të rriturit e çdo moshe mund të kenë fiksime- edhe kur janë në një marrëdhënie të përkushtuar ndaj partnerit të tyre.
Për të sqaruar diskutimin, O'Sullivan dhe kolegët e saj e përkufizojnë një lakmi si një tërheqje e njëanshme ndaj një personi tjetër, për të cilin përjetuesi nuk ka ndërmend të komunikojë ose të veprojë. Në këtë mënyrë, dallohet nga llojet e tjera të tërheqjes romantike, si p.sh. pasionet ose lidhjet reciproke.
Ku ndryshojnë njerëzit beqarë nga ata që janë në një lidhje kur vjen puna tek 'fiksimet'?
Studiuesit zbuluan se njerëzit në marrëdhënie të përkushtuara raportuan shumë më tepër 'fiskime' sesa ata që ishin beqarë. Në pamje të parë, ky mund të jetë një zbulim i papritur, por ka kuptim pas shqyrtimit të mëtejshëm.
Beqarët kanë më shumë gjasa të veprojnë sipas tërheqjeve të tyre ndaj të tjerëve në vend që t'i lënë ndjenjat e tyre të mbeten në fazën 'e pashpërblyer'. E kundërta ndodh për ata që janë në një marrëdhënie, të cilët frenohen të shprehin ndjenjat e tyre për hir të ruajtjes së marrëdhënies së tyre.
Nga ana tjetër, nëse e gjejmë veten duke vepruar sipas dëshirës sonë dhe duke i shfaqur ndjenjat, kjo është një shenjë se ka probleme në marrëdhënie. Siç tregojnë rezultatet e këtij studimi, vetëm tërheqja nuk mjafton për ta shtyrë një person drejt tradhtisë. Në vend të kësaj, hulumtimi tregon se nevojitet edhe disponueshmëria e palës tjetës, si dhe një pakënaqësi e thellë me marrëdhënien aktuale për ta shtyrë një person të jetë jobesnik ndaj partnerit.
Përgjatë këtyre linjave, O'Sullivan thekson se shumë njerëz në moshë madhore mbajnë një marrëdhënie të trefishtë, vetëm në rast se gjërat shkojnë në limite me partnerin aktual.
Me pak fjalë, flirtet dhe fiksimet janë një fenomen i zakonshëm jo vetëm tek adoleshentët, por edhe tek të rriturit, veçanërisht ata në marrëdhënie të përkushtuara. Studimi aktual tregon se ato janë kryesisht të padëmshme, pasi mund të lehtësojnë lodhjen dhe madje të ndikojnë pozitivisht në jetën seksuale të një çifti.
