Banorja e katërt e Big Brother VIP është moderatorja e njohur Valbona Mhilli.
Valbona hyri në shtëpi plot buzëqeshje dhe optimizëm, megjithëse tha se nuk shpreson që aty brenda të gjejë dashurinë, ndonëse është single.
“O Zot pse e bëra thashë, çfarë ndodhi. Bëj 100 të mira, por njerëzit atë që ndodhi mbajnë mend. Unë jam një vajzë komisari. Jam single, por unë nuk besoj te dashuria. Nuk do krijoja kurrë brenda këtij formati”, tha Valbona.
Ajo ka qenë pjesë e emisioneve të njohura në televizionet shqiptare, për vite të tëra, por së fundmi mbahet mend për shkarkimin nga “RTSH”, për shkak të një lapsusi gjatë emisionit të mëngjesit.
