Aktorja e njohur Margot Robbie është bërë nënë për herë të parë. Ajo ka sjellë në jetë një djalë.
Aktorja 34-vjeçare ka mirëpritur fëmijën e saj të parë me bashkëshortin e saj, Tom Ackerley, raporton PEOPLE.
Margot dhe Tom – të cilët u martuan në vitin 2016 – deri më tani kanë mbajtur gjithçka në heshtje lidhur me ardhjen e djalit të tyre, që do të thotë se emri dhe data e lindjes së tij nuk janë konfirmuar ende.
Sipas medieve të huaja, bukuroshja bionde ka lindur dy javë më parë dhe se “gjithçka është mirë” me aktoren dhe fëmijën e saj.
Miqtë dhe familja e çiftit të dashuruar – të cilët u takuan në vitin 2013 në xhirimet e dramës së Luftës së Dytë Botërore Suite Francaise – janë përpjekur me shumë kujdes të mbajnë lajmin për ardhjen e foshnjës larg syve të publikut.
