Pak ditë më parë, këngëtarja Ronela Hajati shkaktoi zhurmë të madhe në rrjetet sociale pasi bëri një koment për festat e famshme të reperit Diddy dhe duke i lidhur ato me situatën në industrinë e muzikës në Shqipëri.
Sot, Ronela ka bërë një tjetër reagim sërish në llogarinë e saj të Instagramit, duke lënë të kuptohet se deklarata e saj është nxjerrë nga konteksti.
Sipas saj Diddy është një manjak që ka miliarda dollarë, ndërkohë që në Shqipëri persona të tillë nisin që te autobusët, dhe më pas edhe te VIP-at që gjenden në faqet e para të gazetave.
“E si gjithmonë abuzohet, prandaj unë prej kohësh kam zgjedhur të mos nxjerr asnjë fjalë për asgjë çfarë ndodh. I vetmi aktivitet është të nxjerr këngë sepse dhe intervista më bazike përherë shoqërohet nga tituj që s’kanë kurrë lidhje me ç’flas apo me komente të hipotetikuara sepse keni kurreshtje jo të shëndetshme. Më vjen kaq keq ku për çdo gjë që ndodh – Showbizi është i targetuar për veprimet më të ulëta nga një mentalitet i përgjithshëm që zor se mund të rregullohet në vendet tona.
Diddy është një manjak me miliarda. Te ne i gjen që nëpër autobusa. Në showbizin tonë artistët dhe eventin më bazik ku shkojnë e nxjerrin nëpër dyqind story se paguhen. Stop targeting people kot dhe stop të vënit në gojët e të tjerëve, thashetheme të ndyra që i fryni vetë. Dhe po, ka emra sa të duash sinonim e mbase më keq se ai. I gjeni nëpër gazeta përditë!”, shkruan Hajati në postimin e saj.
Përmes një postimi në Instastory, Hajati rrëfeu se ajo di shumë emra VIP-ash shqiptarë që organizojnë dhe që marrin pjesë në ‘festa’ të ngjashme në Shqipëri.
