Tirane - Sekretariati i Etikës i Parlamentit shqiptar ndëshkoi mbrëmjen e sotme me 'përjashtim' 24 deputetët e Partisë Demokratike të cilët bllokuan seancën plenare të 30 shtatorit 2024 duke shkaktuar kaos, hedhur sende të forta dhe djegur karriget me benzinë.
Për 2 zjarrëvënësit e karrigeve të deputetëve, në oborrin e Kuvendit, sekretarin e Përgjithshëm të PD-së, Flamur Noka e Bledion Nallbati masa ishte përjashtim për 60 ditë nga punimet e Kuvendit.
Dy muaj përjashtim ishte edhe për kryetarin e grupit të PD-së, Gazment Bardhi i cili qëlloi me këmbën e karriges në drejtim të kryetares së Kuvendit Elisa Spiropali.
Ndërsa për 20 deputetët e tjerë që ndihmuan skenarin e kaosit, duke tërhequr karriget në drejtim të oborrit të parlamentit, aty ku edhe iu vu flaka,u dha përjashtim 40 ditë. Vetëm për Edi Palokën, në mesin e 24 të ndëshkuarve pati amnisti, pasi ky i fundit u përjashtua me 10 ditë kalendarike nga jeta parlamentare.
Anëtarëve socialistë në Sekretariatin e Etikës, iu deshën TRI orë, kohë - gjatë të cilës u bë dhe kqyrja e pamjeve filmike - për të vulosur përjashtimin e 24 deputetëve të opozitës nga parlamenti, si ndëshkim për kaosin dhe zjarrin që i vunë karrigeve në seancën e së hënës.
