Sot në Bruksel do të zhvillohet një drekë pune të organizuar nga presidentja e Komisionit Europian, Ursula von der Leyen, me liderët e vendeve të Ballkanit Perëndimor, shkruan A2 CNN. Kryeministri shqiptar, Edi Rama, gjendet atje, ndërsa pritet që të diskutohet dhe për procesin e zgjerimit. Kryeministri i Kosovës, Albin Kurti, gjendet gjithashtu në Bruksel për të marrë pjesë në këtë drekë pune. Nuk dihet nëse do të ketë ndonjë takim të mundshëm mes Kurtit dhe presidentit të Serbisë, Aleksandër Vuçiç, i cili është gjithashtu i pranishëm në Bruksel. Ndërkohë, presidentja e Kosovës, Vjosa Osmani, ka udhëtuar për në Shtetet e Bashkuara të Amerikës për takime me liderë botërorë, organizata ndërkombëtare, si dhe aktivitete të tjera në kuadër të Javës së Nivelit të Lartë të OKB-së. Zhvillimet e fundit në vend dhe dëshira e Kosovës për të forcuar pozitën e saj në arenën ndërkombëtare do të jenë në fokus të bisedave që zonja Osmani pritet të zhvillojë. (A2 Televizion)