Që prej 2 ditësh, Hatixhe Brikës ose Hatit, siç njihet në rrjetet sociale, i është sekuestruar patenta nga Policia e Shtetit. Shpejtësia “skëterrë” me makinat luksoze të Hatit bëri që kësaj të fundit t’i ndalohet qarkullimi. Pas ngjarjes e cila bëri bujë të madhe Hati nuk i ka ndalur “kunjat” në rrjetet e saj sociale Tik Tok e Instagram për punonjësit e policisë.
Së fundmi ajo ka postuar sërish video duke treguar se është duke udhëtuar por kësaj here shofer është bashkëshorti i saj Jashar Stojku. Emër shumë i njohur pasi është bërë viral nga videot me mijëra shikime të Hatit.
Ajo ka thënë me nota ironie se edhe pse i është sekuestruar patenta ajo udhëton “për shtatë palë qejfe” si pasagjere e partnerit të saj.
