Koreografi dhe balerini i njohur, Ilir Shaqiri, është mjaft aktiv në rrjetet e tij sociale. Fituesi i edicionit të parë të “Big Brother VIP” ndan me ndjekësit foto e video të ndryshme si nga ana profesionale ashtu edhe ajo private.
Që kur ishte brenda shtëpisë më të famshme në Shqipëri, por edhe përmes postimeve në rrjetet sociale, Iliri ka treguar se i pëlqen shumë gatimi. Ai herë pas here ndan me ndjekësit e tij video të gatimeve që bën.
Së fundmi, Shaqiri postoi në “Instastory” një fotografi ku tregonte disa nga përbërësit e ushqimit që po përgatiste. Krahas kësaj foto ai u kërkon fansave të gjejnë se ‘për çfarë i ka shkuar në mendje”.
Balerini i njohur ka marrë mesazhe të shumta, por më interesantin ka vendosur që t’a postojë në “Instastory”. Një ndjekës nuk i ka kthyer përgjigje se çfarë ai po përgatit, por e ka falënderuar për këngët që ai bën.
Me pak fjalë, ndjekësi e ka ngatërruar fituesin e BBV1 me këngëtarin e mirënjohur që mban të njëjtin emër dhe mbiemër si ai, Ilir Shaqiri.
“O bac si je, a u lodhe? Faleminderit për krejt këngët me 17 vjet që i kam i dëgjoj dhe s’ka muzikë ma t’mirë”, i ka shkruar ndjekësi.
Ndërkohë Iliri me humor i përgjigjet:
“Ti i gjete të gjitha. Vet i knoj e vet i kërcej”.
