Ngrënia e vakteve të darkës vonë mund të kontribuojë në shtimin e peshës dhe sheqerit në gjak, sipas një studimi të vogël të botuar në Journal of Clinical Endocrinology & Metabolism të Shoqërisë Endokrine.
Mbi 2.1 miliardë vlerësohet të jetë numri i të rriturve mbipeshë ose obezë në mbarë botën, duke i bërë më të mundshme problemet shëndetësore si diabeti dhe presioni i lartë i gjakut.
“Ky studim shton një pasqyrë të re se si ngrënia e vakteve vonë përkeqëson tolerancën e glukozës dhe redukton sasinë e yndyrës së djegur. Efektet e vakteve të mbrëmjes ndryshojnë në mënyrë të konsiderueshme midis njerëzve dhe varen nga koha e zakonshme e gjumit, duke sugjeruar që disa njerëz mund të jenë më të prekshëm se të tjerët. Nëse efektet metabolike që kemi vërejtur me një vakt bëhen kronike, vaktet e mbrëmjes mund të çojnë në pasoja të tilla si diabeti ose obeziteti.”, shpjegon autori i studimit Dr. Jonathan C. Jun i Shkollës së Mjekësisë të Universitetit Johns Hopkins.
Studiuesit studiuan 20 vullnetarë të shëndetshëm (10 burra dhe 10 gra) për të përcaktuar se si e metabolizuan darkën e ngrënë pas orës 22:00, krahasuar me atë të orës 18:00. Të gjithë vullnetarët shkuan në shtrat në orën 23:00.
Pra, studiuesit zbuluan se nivelet e sheqerit në gjak ishin më të larta dhe sasia e yndyrës së djegur ishte më e vogël në rastin e vaktit të mbrëmjes që konsumohej në orën 22:00 edhe kur konsumoheshin të njëjtat ushqime në të dyja rastet. Mi
Ky nuk është studimi i parë që tregon efektet e të ngrënit vonë, por është një nga më të detajuarit.
“Ne duhet të bëjmë më shumë eksperimente për të përcaktuar nëse këto efekte vazhdojnë me kalimin e kohës dhe nëse ato shkaktohen më shumë nga sjellja (si gjumi menjëherë pas ngrënies së një vakti) apo nga ritmi cirkadian i trupit,” përfundon Dr. Jun.
Megjithatë, ajo që është e sigurt, sipas studiuesve, është se sa më herët të hamë darkën dhe sa më larg gjumit, aq më pak rrezikohemi nga një rritje e yndyrës në trup, si dhe e sheqerit në gjak./K.C/dritare.net
