Sipërmarrësi i njohur, Arbër Çepani, duket se ka konfirmuar ndarjen nga ish-Missi dhe regjisorja Arnita Beqiraj.
Në një intervistë të dhënë së fundmi, Arbri ka dhënë disa deklarata që konfirmojnë lajmin që qarkullon prej shumë kohësh në mediat rozë.
Teksa fliste për preferencat rreth parfumeve, ish-fituesi i Big Brother është shprehur se i ndryshon aromat që përdor shumë shpesh, ashtu siç do gjë në jetë.
“Cili është parfumi që përdor?”, u pyet ai.
“Unë jam një çik si kshu me parfumet. I ndryshoj shpesh si çdo gjë në jetë. Edhe me parfumet kam të njëjtin raport, më mërziten shpejt gjërat dhe i ndryshoj”, tha Arbri për “Pushime On Top”.
Nisur nga ky pohim moderatorja ka marrë shkas dhe i ka drejtuar pyetjen nëse ndodh e njëjta gjë edhe me njerëzit.
Pyetje: Më the pak më parë që ti mërzitesh shpejt, a ndodh kjo me njerëzit, je mërzitur nga njerëzit e vjetër?
Mes të qeshurash Arbri ka refuzuar të jap një përgjigje konkrete, ndërsa tha vetëm “No koment”, duke na shtuar akoma më shumë dyshimet se marrëdhënia e çiftit mund të ketë përfunduar.
Arbër Çepani dhe Arnita Beqiraj prej kohësh ishin shndërruar në një nga dyshet edhe më të pëlqyera në rrjetet sociale.
Madje, kur regjisorja ishte pjesë e “Dancing with the Stars”, të dy elektrizuan skenën në një kërcim sensual. Megjithatë, si një çift që shpesh kanë pasur luhatjet e tyre, dyshja i ka dhënë fund lidhjes.
Kriza mes çiftit ka nisur që në fillim të vitit, ku dyshja nisi të mos shfaqej më në shoqërinë e njëri-tjetrit. Menjëherë ky fakt u vu re, duke nisur edhe lajmet për një shkëputje.
Vetëm pak kohë, ku dukeshin shumë të dashuruar në skenën e “DWTS”, Arnita dhe Arbri pasuan në një heshtje, duke na treguar se diçka nuk po shkonte si duhej.
Por tashmë, duket se kriza mes tyre ka qenë përfundimtare, duke sjellë shkëputjen e çiftit. Duket se në 3 vite histori dashurie, kjo nuk është ndarja e parë që çifti ka pasur.
Edhe një vit më parë, të dy u përfshinë në një debat të ashpër, çfarë edhe solli fundin e lidhjes për disa javë. Në atë kohë Arbri dhe Arnita fshinë çdo gjurmë të njëri-tjetrit nga rrjetet sociale. Por pas disa javësh, të dy u rikthyen përsëri së bashku.
Por këtë herë, gjërat duken më të vështira. Pas gati disa muajsh krizë, dyshja më në fund i ka dhënë fund, duke lënë pas shumë aludime rreth arsyeve që çuan në këtë ndarje përfundimtare.
