Aktori Gentian Zenelaj ka qenë i ftuar në emisionin “Pushime on Top”, ku ka folur pa doreza. I pyetur nga moderatorët për një mendim për fituesen e “Big Brother Vip Albania 3”, aktori tha se e ka mbështetur shumë mikun e tij Julian Deda, sidomos me vota.
“Unë nuk bëj mbështetje me drona dhe helikopterë. Natyrat si Juli nuk kanë nevojë për mbështetje okulte. Juli më tha që do e bënte prapë "Big-un", i tillë është ai”, u shpreh Zenelaj.
Ndërkohë, aktori nuk e mohoi faktin që e pyesin shumë për raportin e tij me një tjetër kolege, Egla Cenon.
“Eglën e kam pasur katër vjet shoqe klase. Ashtu vendosi të ndiqte strategjinë e lojës së saj. Nuk e di nëse ka qenë lojë, apo ashtu është realisht, por në shumë gjëra më ka surprizuar...E di që do e bëni lajm nëpër portale. Ajo e fitoi lojën, por profilin tonë të aktorëve më mirë e nxori Juli. Për mua ai është fituesi”, vijoi ai.
Kaq mjaftoi që Egla t’i përgjigjej virtualisht Gentianit me një postim thumbues në Instagram, ku shkroi:
“Burrat i shohin gratë si mbretëresha, princesha, muza, kuzhiniere, shtëpiake, nëna, bija, dashnore...Vetëm si gra nuk i shohin kurrë! Duhet të jetë shumë e vështirë për ta, prandaj me sa duket nuk bëjnë me faj njëri-tjetrin kur përdorin fjalë denigruese ndaj një gruaje!”
“Më ka surprizuar! Nuk them për mirë apo për keq se do bëhet lajm portalesh, por më ka surprizuar për keq”, shkroi Egla në mbishkrim.
