Zyrtarisht Grupi McLaren ka pronar të ri. Fondi i pavarur “Bahrain Mumtalakat Holding Company” ka marrë 100 për qind të aksioneve të prodhuesit të njohur të veturave, nga 60 sa i kishte deri tash.
Sipas raportimeve, blerja e aksioneve të reja të gjigantit britanik, fondit i ka kushtuar rreth 500 milionë dollarë.
Pak ka detaje se çka do të ndodhë me McLaren Automotiven, por kryetari i bordit të kompanisë Paul Walsh ka thënë se lëvizja mundëson fokusin në planin më afatgjatë të punës, shkruan koha.
Kjo do të përfshijë investime në produkte e teknologji të re.
McLaren Automotive, sipas “Motor1”, tani do ta ketë përkrahjen e mjaftueshme financiare për t’u fokusuar në krijimin e modeleve të reja dhe elektrifikimin e tyre.
Mumtalakat pati investuar në këtë grup qysh më 2007 kur bleu 30 për qind të aksioneve të para nga themeluesit dhe që nga ajo kohë ka shkuar duke rritur përqindjen.
Prodhuesi i superveturave ka hasur në telashe financiare viteve të fundit, duke shitur disa prej modeleve historike për të financuar supermakinën Artura. Një vit më parë, McLareni shiti selinë dhe fabrikën e Formula 1.
Ka spekulime se kompania po planifikon një veturë të re për ta lansuar në fund të vitit./Katror.info
