Google është duke punuar në veçorinë Multiview për YouTube TV, dhe ndërsa disa përdorues përfitojnë nga kjo, jo të gjithë kanë qasje.
Fillimisht i prezantuar për televizorë, Multiview tani po shpërndahet në iPhone dhe iPad, ka konfirmuar YouTube TV.
Sipas aplikacionit, për të pasur qasje në funksionin e ri, përdoruesit e iPhone dhe iPad duhet të përditësojnë YouTube TV në versionin 8.11 ose më të ri, shkruajnë mediat e huaja, përcjell Telegrafi.
Ky veprim nuk vjen si befasi duke marrë parasysh faktin që shumë përdorues zbuluan se kishin qasje në Multiview përpara prezantimit global të funksionit.
Edhe pse versionet iOS dhe TV të Multiview nuk janë në të njëjtin nivel kur bëhet fjalë për funksionalitetin, të paktën ky është vetëm fillimi dhe Google mund ta përmirësojë më tej përvojën në pajisjet nga Apple.
Për sa i përket Android, duket se Google nuk po nxiton t’ua ofrojë këtë veçori përdoruesve të sistemit të tij operativ
