Balerina e njohur shqiiptare, Klaudia Pepa ka rrëfyer peripecitë dhe vështirësitë që ka përjetuar në fillimet e karrierës në Itali, por me talentin e saj ka arritur të kapërcejë çdo pengesë.
Ajo tha në emisionin “Opinion” në Tv Klan, se karriera e saj në Itali nisi me “Amicin”, ndërsa tani përveç baletit, artistja shqiptare po eksperimenton dhe në fushën e aktimit dhe prezantimit.
Gjatë intervistës me gazetarin Blendi Fevziu, Pepa thotë se i pëlqen të jetojë në Itali, por nuk përjashton mundësinë e bashkëpunimit në Shqipëri.
Pjesë nga biseda:
Blendi Fevizu: Sa vite t’u bënë që jeton në Itali?
Klaudia Pepa: Rreth 9 vite gjithsej.
Blendi Fevziu: Si shkove në Itali?
Klaudia Pepa: Shkova për të bërë audicionin e “Amcit” dhe aty pastaj filloi jeta ime deri tani.
Blendi Fevziu: Sa i vështirë ka qenë integrimi në Itali?
Klaudia Pepa: Ka qenë pak i vështirë edhe sepse në fillim nuk isha shumë e mbështetur, por që besoj se talenti më ka ndihmuar. Ndoshta ishte aq i fortë saqë njerëzit mendonin më shumë talentin dhe vlerësohesha për të se sa nga vija unë.
Blendi Fevziu: A kishte paragjykime?
Klaudia Pepa: Po, kishte paragjykime, por besoj se e kapërceva si periudhë dhe si fakt. Tani jam e stabilizuar mirë. Jemi duke bërë projekte shumë të bukura dhe përveç baletit jam duke eksperimentuar si prezantuese, si aktore, kam bërë disa filma, 3 filma deri tani: 2 filma në role të vogla dhe një tjetër si protagoniste.
Blendi Fevziu: Të mungon Shqipëria?
Klaudia Pepa: Më mungon shumë, kthehem herë pas here në Shqipëri, shkoj dhe shpesh në jug me familjen timë në jug, para dy vitesh shkova dhe në mal, në Tropojë.
Blendi Fevziu: A e sheh rikthimin në Shqipëri?
Klaudia Pepa: Më pëlqen të jetoj në Itali, por do të doja shumë të bashkëpunoja në Shqipëri.
Blendi Fevziu: A do të kthehesh sërish në Shqipëri me ndonjë projekt?
Klaudia Pepa: Nuk e di për momentin, shpesoj që po. Kam 2-3 projekte dhe siç kam folur dhe me Daniel dhe të tjera, të cilat nëse realizohen, mund të kthehem në Shqipëri brenda vitit të ardhshëm.
