Një aksident tragjik ka ndodhur në Athinë të Greqisë, ku viktimë kanë mbetur një 27-vjeçar nga Saranda dhe bashkëshortja e tij.
Tragjedia ka ndodhur pak pas mesnatës së djeshme, ku shqiptari ka humbur kontrollin e makinës e cila për pasojë është përmbysur në vendin e quajtur Leoforo Katexaki në Zografou.
Viktima është identifikuar si Pandeli Llambi Kajo, me origjinë nga Saranda, ndërsa bashkëshortja e tij, është identifikuar vetëm si një 24-vjeçare, Në operacionin për nxjerrjen e trupave morën pjesë 10 zjarrfikës dhe 4 mjete.
Mësohet, se i riu kishte shkuar në Ilioupoli që të merrte të shoqen për të dalë nga Athina, por në kthim u aksidentuan. Mësohet se ai kishte një farmaci prej 4 vitesh në Ampelokipous. Prindërit e të ndjerit kishin emigruar në Greqi para shumë vitesh.
Mësohet se komshijtë e 27-vjeçarit kanë vendosur lule në vendin ku ndodhi ngjarja.
