Njerëz dhe fate”, seriali i famshëm i viteve 2000, që mbajti mbërthyer shqiptarët pas ekranit, do të rikthehet sërish. Lajmi i shumëpritur është bërë i ditur sot nga aktori i mrënjohur Arben Derhemi, i cili në serial njihet me emrin "FLORI".
"Burgu është për burrat “Njerëz dhe Fate 2” së shpejti", ka shkruar ai krahas një fotoje që ka ndarë me ndjekësit në Instagram.
Ndërkohë të shumtë janë ndjekësit të cilët e pyesin aktorin se kur do të fillojë ekzaktësisht seriali, për të cilin mund të themi me plot gojë se është një nga prodhimet dhe realizimet më të mira të skenografisë shqiptare.
Kujtojmë se seriali “Njerëz dhe fate” korri një sukses të jashtëzakonshëm në fillim të viteve 2000, ku “gozhdoi” asokohe shqiptarët para televizorit, të cilët prisnin me ankth çdo të ndodhte me familjen e "Florit".
