Vite më parë, ekzistonte një mit që orizi ndihmon në tharjen e një telefoni që ka përfunduar në ujë.
Kjo tani është hedhur poshtë nga Apple, e cila në udhëzuesin e saj të fundit të lëshuar më 2 janar 2024, paralajmëron se një iPhone i lagur nuk duhet të vendoset kurrë në një tas me oriz.
Kompania thotë se vendosja e një pajisjeje të lagur në një tas me oriz mund të shkaktojë dëme shtesë nëse grimcat e vogla të orizit hyjnë në telefon.
Në njoftim thuhet se nuk duhet të praktikoni truke të tjera në internet si përdorimi i burimeve të jashtme të nxehtësisë, pra tharja me tharëse flokësh, apo pastrimi i lidhësit me shkopinj veshi, shkruan Living.al.
Ekspertët thonë se lënia e iPhone të thahet në temperaturën e dhomës është metoda e vetme më efektive.
Apple, megjithatë, ofroi një zgjidhje alternative për këtë problem.
Nëse në ekran shfaqet një njoftim që pengon karikimin për shkak të pranisë së lagështirës, kompania rekomandon hapat e mëposhtëm:
Shkëputni menjëherë kabllon nga iPhone, por edhe skajin tjetër të kabllit nga përshtatësi i energjisë ose pajisje të tjera. Asnjëherë mos lidhni kabllot derisa telefoni ose kablloja të jetë tharë plotësisht.
Prekni butësisht iPhone në dorën tuaj me lidhësin nga poshtë për të hequr lëngun e tepërt. Lëreni iPhone në një vend me pak ajër.
Pas 30 minutash, provoni të karikoni duke përdorur një kabllo Lightning ose USB-C ose lidhni pajisje shtesë.
Nëse ka ende një paralajmërim në ekran, do të thotë se ka ende lagështirë në lidhës ose nën kunjat e kabllove. Lëreni iPhone në çdo vend me rrjedhje ajri deri në një ditë, më pas përsëritni procedurën. Mund të duhen deri në 24 orë që telefoni të thahet plotësisht.
Nëse iPhone nuk i përgjigjet karikimit edhe pas tharjes, rekomandohet të shkëputni kabllon nga përshtatësi dhe përshtatësin nga muri (nëse është e mundur) dhe më pas ta lidhni përsëri.
Kompania këshillon që tre gjërat e mëposhtme nuk duhet të bëhen kurrë:
Mos e thani iPhone duke përdorur një burim të jashtëm nxehtësie ose ajër të kompresuar.
Mos futni një objekt të huaj në lidhës.
Mos e vendosni iPhone në një tas me oriz. Kjo mund të shkaktojë që grimcat e vogla të dëmtojnë iPhone./Katror.info
