Një fanse e këngëtares së famshme, Taylor Swift, ka ndërruar jetë pas një përplasjeje me një kamion. 16-vjeçarja po udhëtonte për në Melburn, për të parë koncertin e yllit të popit.
Mediat e huaja shkruajnë se Mieka Pokarier ishte në makinë me nënën e saj duke shkuar për në koncert kur fuoristrada me të cilën po udhëtonin u përfshi në një përplasje me kamionin pak para orës 18:00 sipas kohës lokale.
Adoleshentja, e cila ishte në sediljen e pasagjerit, vdiq në vendngjarje. Motra e saj 10-vjeçare, e cila ishte në sediljen e pasme, është në gjendje kritike për jetën.
Ndërkohë nëna e saj po trajtohet me lëndime të lehta. Policia e Melburnit tha se përplasja ndodhi rreth 30 kilometra në verilindje të qytetit të Dubbo.
Kujtojmë se ylli i muzikës, Swift është në Melburn për turneun e saj global “Eras Tour”. Tragjedia pason vdekjen në nëntor të një fanseje të Taylor Swift para një koncerti në Rio de Janeiro, Brazil. Kjo vdekje erdhi mes një vale të madhe të të nxehtit që kishte bërë që Swift të shtynte një shfaqje të mëparshme.
Këngëtarja e famshme ka dhuruar 100,000 dollarë për familjen e Lisa Lopez-Galvan, nënën e dy fëmijëve që humbi jetën në paradën e fitores së Super Bowl të Kansas City Chiefs. Këngëtarja bëri dy donacione të veçanta prej 50,000 dollarësh në një faqe GoFundMe të krijuar për të ndihmuar familjen e saj. Swift me anë të një deklarate tha se:
Ngushëllimet dhe ngushëllimet e mia më të thella në vazhdën e humbjes tuaj shkatërruese”.
Lopez-Galvan vdiq gjatë operacionit nga një plagë me armë zjarri në bark. Rikujtojmë se i dashuri i Swift, Travis Kelce, i mbijetoi mrekullisht të shtënave vdekjeprurëse në paradën e Kansas City Chiefs. Lajmin e konfirmuan zyrtarët në një konferencë për shtyp. Një person u vra ndërsa 21 u plagosën nga të shtënat në Misuri në fund të paradës së fitores së Kansas City Chiefs’në Super Bowl.
