Banorët e shtëpisë më të famshme në Shqipëri kanë realizuar mbrëmë një shfaqje teatrale të Shekspirit, kryeveprën e dashurisë “Romeo dhe Zhuljeta”, në variantin e “Big Brother VIP 3”.
Kjo shfaqe ishte një sfidë nga Vëllai i Madh, që solli mjaft debate, sherre dhe lot. Juli, Egla dhe Ilnisa morën detyrën për të ndarë rolet dhe për të organizuar skenën teatrale, e menduar si “Romeo dhe Zhuljeta alla shqiptare”.
Romeo, Heidi dhe Lisi kishin rolet kryesore, dëshirë që e shprehën që në fillim, duke qenë se ishin edhe në nominim. Arta shprehu gjithashtu dëshirën për të pasur një rol kryesor, që shkaktoi debate, duke sugjeruar që të ishte ajo krah Romoes.
Si përfundim secili mori rolin e vet, ndërsa gjatë realizimit të provave nuk kanë munguar përplasjet, deri në realizimin përfundimtar.
E teksa gjatë provave Romeo dhe Heidi e kishin lënë që në fund vetëm të përqafoheshin, në fakt ndodhi e kundërta. Romeo puthi në buzë Heidin dhe më pas ranë të dy në tokë.
“Zhuljet…”, janë fjalët e fundit të aktorit, përpara se të puthen dhe të bien të dy në tokë. Atyre u bashkohet edhe Elvisi, ndërsa treshja marrin duartrokitjet e banorëve, duke ndarë edhe përqafime me njëri-tjetrin.
