SHBA- Këngëtari kanadez Drake u tall me videon e tij virale të supozuar, gjatë një koncerti të mërkurën mbrëma. Menjëherë pasi ai doli në skenë në Bridgestone Arena në Nashville, reperi tha në mikrofon: E di që ndoshta prisni që unë të reagoj, kështu që po, thashethemet janë të vërteta. Pas një pauze të shkurtër, ai shtoi: Babai im është këtu! Kjo është ajo që prisnit?
Megjithëse babai i tij, Dennis Graham, ishte i pranishëm, është e qartë se Drake kishte si qëllim të ngacmonte mendjen e të gjithëve. Në fillim të kësaj jave, fituesi i Grammy-t, 37 vjeç, u bë tejet viral në X pasi një video që shfaqej duke e treguar atë të shtrirë në shtrat ndërsa luante me organin e tij gjenital doli në internet. Pamja e dhomës në klipin e shkurtër dukej se përputhej me atë që Drake ka në avionin e tij privat prej 185 milionë dollarësh.
Krijuesi i hitit "God’s plan" me sa duket po fluturonte në Nashville në atë kohë, pasi më vonë shkoi në Story-n e tij në Instagram për të ndarë një pamje nga afër të pjesës së brendshme të kabinës, duke shkruar: "Cashville jam në shtëpi". Megjithëse Drake ende nuk e ka konfirmuar hapur identitetin e tij, ai me sa duket qeshi nga pamjet intime kur u pyet për këtë në një shkëmbim privat me transmetuesin e njohur Adin Ross.
