Komisioni për Punë të Jashtme dhe Diasporë ka pritur në takimin delegacionin e Grupit të Evropës Juglindore të Parlamentit të Gjermanisë. Kryetarja e komisionit, Arbëreshë Kryeziu-Hyseni tha se në këtë takim është diskutuar për zhvillimet aktuale, siguria në Ballkanin Perëndimor dhe dezinformimi nga mediat në Serbi.
Ajo tha se delegacioni nga Gjermania ka nisur një vizitë në vendet e Ballkanit Perëndimor, ku marrin pjesë deputetë të partive të ndryshme politike.
Ajo shtoi se edhe në takimin e sotëm kanë marrë mbështetje për procesin e Berlinit, i cili është dizajnuar siç tha ajo, për trasimin e rrugës drejt integrimit evropian shteteve të Ballkanit Perëndimor.
Me deputetët nga Gjermania, deputetja e LVV-së shtoi se kanë diskutuar edhe për dezinformimin e mediave nga Serbia.
