Banka Qendrore e Kosovës ka lëshuar linjën pa pagesë 0800 222-55 për të ofruar informacione të thjeshta dhe të kuptueshme për qytetarët e Kosovës raporton Metropol Magazine.
Kjo linjë është e veçuar për qytetarët nga komuniteti serb që jetojnë në Kosovë dhe kanë nevojë për informacione të drejta dhe të qarta.
Rregullorja për Operacione për Para të Gatshme lejon pranimin e mjeteve në llogaritë bankare në euro dhe nuk ndalon transferet nga asnjë shtet. Kështu që, të gjithë individët kanë qasje në llogaritë e tyre dhe mund të pranojnë mjete në euro. METROPOL MAGAZINE
