Nga sot, rrjetit më të madh të kinemasë, “Cineplexx”, i shtohet një prodhim i ri kinemtaografik shqiptar. Siç e tregojnë edhe këto pamje, filmi “Tryeza e Zezë”, sjell për publikun një ndërthurje të zhanerit Aksion dhe Dramë.
Gjithçka nis me një telefonatë nga Shqipëria që trondit personazhin kryesor të filmit, Aleksin që interpretohet nga Ergys Keta, njëkohësisht edhe producent i këtij prodhimi. Babai i tij vritet dhe pa u menduar gjatë, ai duhet të kthehet për t’u hakamrrë.
Në klanet mafioze asnjëherë gjërat nuk janë siç duken dhe të papriturat janë pjesë e përditshmërisë, e këtë realitet na e sjellin të ekranizuar një kast i përzgjedhur aktorësh.
Nga Kastriot Çaushi, Arben Derhemi, Gentian Hazizi, Romir Zalla, Ervin Bejleri, Rovena Dilo e të tjerë na sjellin të zbardhur një realitet aktual.
Mes krimit dhe dramava, nuk mungon dashuria që trazon zemrën e protagonistit, por për ta zbuluar këtë prodhim të madh kinematografik, nga sot, ajo shfaqet në kinemanë “Cineplexx”.
