Keni kapsllëk ose sindromën e zorrës së irrituar? Po përpiqeni të menaxhoni diabetin apo ndoshta dëshironi të ulni kolesterolin LDL? Përgjigja për të gjithë është: Rritni marrjen e fibrave. Është folur dhe shkruar shumë për këtë përbërës natyral të mrekullueshëm dhe jo pa arsye, pasi me të vërtetë ka veti të vlefshme për shëndetin e njeriut.
Në fakt, një fibër e veçantë e tretshme është psyllium dhe po fiton shumë famë kohët e fundit, kryesisht falë vetive të saj të përfolura për humbje peshe. Por a janë të vërteta thashethemet? Nutricionistja Julia Zumpano kristalizon peizazhin e turbullt, duke zbuluar përfitimet e provuara të psiliumit:
“Fibra e tretshme nuk përmban gluten dhe mund të shtohet në vakte dhe pije, me qëllim rritjen e marrjes së fibrave bimore”, shpjegon fillimisht Dr. Zumpano, përcjell dritare.net
Vetitë!
Lehtëson kapsllëkun! Të gjitha fibrat e tretshme lehtësojnë largimin e mbetjeve nga zorrët. Hulumtimet tregojnë se psiliumi funksionon në mënyrë efektive, pa efekte anësore të rëndësishme.
Trajton simptomat e diarresë dhe sindromës së zorrës së irrituar! Është zbuluar se kjo fibër e tretshme mund të ndihmojë në reduktimin e inflamacionit në zorrë.
Ndihmon në menaxhimin e niveleve të sheqerit në gjak! Psyllium ngadalëson sasinë e glukozës në qarkullimin e gjakut, duke rregulluar nivelet e sheqerit në gjak, gjë që është e rëndësishme për njerëzit me diabet.
Rregullon kolesterolin! “Fibrat e tretshme ndihmojnë trupin të largojë biliaret, gjë që mund të çojë në uljen e kolesterolit të keq, LDL-së.”, shpjegon Dr. Zumpano.
Fibra bimore që rregullon funksionin e zorrëve, ul kolesterolin dhe ju
A mund të ndihmojë psylliumi për humbjen e peshës?
“Në përgjithësi, fibrat ju bëjnë të ndiheni më të ngopur për më gjatë, gjë që redukton oreksin dhe marrjen e përgjithshme të ushqimit.”, shpjegon Dr. Zumpano. “Ato ndihmojnë edhe me lëvizjet e rregullta të zorrëve, të cilat mund të mbështesin menaxhimin dhe humbjen e peshës.”, shton ajo.
Sasia e rekomanduar e fibrave?
Psiliumi përgjithësisht konsiderohet shumë i sigurt për konsum, siç shpjegohet nga Dr. Zumpano. “Filloni me një dozë të vogël, rreth 1 lugë çaji dhe rriteni gradualisht.”, këshillon ajo. "Gjithashtu, sigurohuni që të pini shumë ujë." Mund të konsumoni deri në 1 lugë gjelle tri herë në ditë.
Megjithatë, Dr. Zumpano paralajmëron se personat me ndjeshmëri të zorrëve duhet të jenë të kujdesshëm, pasi mund të përjetojnë efekte anësore si diarre, kapsllëk, të vjella, fryrje apo ngërçe në stomak. Për këtë arsye, ekspertja këshillon që të bisedoni me një specialist përpara se të filloni marrjen e fibrave bimore./K.C/dritare.net
