Dita e djeshma ka qenë padiskutim tepër e lumtur për Arbër Hajdarin, i cili ka konfirmuar se ai dha partnerja e tij, Vlera janë bërë prindër për herë të parë.
Ka qenë vet Hajdari ai që ka konfirmuar këtë lajm të bukur për të gjithë ndjekësit e tij në Instagram, përmes një postimi, ku shihet së bashku me të bijën e sapo ardhur në jetë.
“Të dashur miq! Zoti na bekoi dje, duke më bëre mua baba dhe Vlerën, nënë të një vajze. Për këtë, falenderojmë Zotin dhe i kërkojmë që vajza jonë, të ketë jetë të gjatë, shëndet e risk në jetë. Uroj dhe lutem që çdo shqiptar të jetojë në harmoni, begati, i rrethuar nga dashuria e familjes”, shkruan Arbri bashkangjitur fotografisë teksa mban në krahë vogëlushen.
Kujtojmë që në fillim të muajit nëntor, gjatë një intervistë të dhënë për programin “Më Lër Të flas”, Arbri ka zbuluar ekskluzivisht se do të bëhej babai i një vajze.
“Këto festa do të më presin ndryshe. Në momentin që bëhesh prind shumë gjëra ndryshojnë tek njeriu. Sidomos në momentin që sjell në jetë një fëmijë rritet përgjegjësia në mënyrën e të menduarit. Zoti mi pranoi lutjet që bëra, doja të bëhesha babi i një vajze, dhe do të bëhem me vajzë”, u shpreh opinionisti i BBV në atë kohë.
Ndërkohë sa i përket rikthimit të tij në televizion, për të tretin vit radhazi, roli i opinionistit të “BBV 3” i është besuar themeluesit të fondacionit “Fundjave Ndryshe”, Arbër Hajdari.
