Aktorja e njohur, Eni Jani, ka zbuluar përmes një postimi në rrjetet sociale se feston ditëlindjen. E gjeni dot se sa vjeç mbush?
Këtë e ka treguar vetë Eni, ku bashkëngjitur me foton e saj ka shkruar:
“Mirë se erdhe 46”.
Postimi është pëlqyer menjëherë nga ndjekësit, të cilët sigurisht nuk i kanë kursyer urimet për aktoren.
Kujtojmë se Eni është e martuar me aktorin e mirënjohur, Genc Fuga. Ata kanë plot 17 vite bashkë dhe janë prindër të dy vajzave.
Ndërkohë që vijojnë të jenë aktiv me pjesëmarrjet e tyre nëpër filma, Genc Fuga, disa muaj më parë, pësoi një goditje në tru dhe fatmirësisht ai ia doli dhe tashmë gëzon shëndet të plotë.
Ishte fundi i muajit korrik, kur aktori pësoi një goditje në tru dhe iu nënshtrua një ndërhyrjeje kirurgjikale urgjente në një spital privat në Tiranë.
Ishte pikërisht bashkëshortja e tij, Eni, e cila bëri me dije lajmin, ndërsa kërkoi prej miqve të tyre ndihmë për të kontribuuar me një vlerë monetare prej 200 lekësh të reja, në mënyrë që të mblidheshin 19 mijë euro për operacionin.
