Dërgesat e automjeteve elektrike të Teslas kanë arritur rekord, megjithatë nuk i kanë arritur aspiratat e drejtorit ekzekutiv Elon Musk, raportoi të hënën Reuters.
Objektivi i brendshëm ambicioz vjetor i Muskut ishte dy milionë dërgesa, për çka Musk ishte deklaruar në fillim të vitit.
Përballë ngadalësimit të shitjeve, Tesla shfrytëzoi marzhet e saj kryesore në industri dhe uli çmimet e katër modeleve të veturave të saj në mbarë botën në vitin 2023, me fokus në Kinë, ku kompania ka humbur pjesën e tregut ndaj vendasve.
Lufta e çmimeve dhe ngadalësimi i kërkesës për automjete elektrike, kanë shtyrë prodhuesit e automjeteve, përfshirë Ford Motor të tërhiqen nga planet e tyre të elektrifikimit, duke e lënë Teslan lider të padiskutueshëm në Shtetet e Bashkuara dhe duke ndihmuar stokun e saj më shumë se dyfish këtë vit.
"Tremujori i katërt është zakonisht më i forti i vitit për sa i përket dërgesave për Teslan, ne presim që të jetë kështu përsëri këtë vit", ka thënë Garrett Nelson, analist i lartë në CFRA Research.
Sipas 14 analistëve të anketuar nga LSEG, Tesla ka të ngjarë të dorëzojë 1.82 milionë automjete globalisht në vitin 2023, 37% më shumë nga viti 2022, me rreth 473,000 njësi në tremujorin e katërt.
