“The Sun” raportoi dy ditë më parë se këngëtarja e famshme shqiptare, Dua Lipa, i ka dhënë fund lidhjes me regjisorin e njohur, Romain Gavras. E teksa kanë kaluar vetëm dy ditë nga këto lajme, ylli i muzikës pop po përflitet se është në një romancë të re dashurie.
Fansat e artistes mendojnë se Dua është në një lidhje me këngëtarin dhe tekstshkruesin, Omar Apollo. Dyshimet kanë lindur nga disa fotografi të dyshes, ku shfaqen duke u larguar bashkë nga aftër party i Balenciaga-s.
Në fotot në fjalë, Lipa dhe Apollo shfaqen në makinë dhe duken mjaft të qeshur. Ndërkohë kujtojmë se Omar më herët ka deklaruar se është homoseksual.
Dua dhe këngëtari filluan ta ndiqnin njëri-tjetrin në “Instagram” pasi u takuan vitin e kaluar në brunch-in e Variety Hitmakers. Ylli i pop-it asokohe publikoi në “Instagram” një foto ku ajo pozonte përkrah familjes së saj dhe Omarit.
Ndërkaq, Dua Lipa u nda nga partneri i saj Romain Gavras pas një romance tetë mujore. Kujtojmë se Lipa u pa për herë të parë me regjisorin francez në muajin mars, kur të dy u fotografuan duke u kthyer në shtëpi së bashku nga një shfaqje e modës në Saint Laurent në Paris.
Megjithatë, ata bënë debutimin e tyre zyrtar në tapetin e kuq në Festivalin e Filmit në Kanë, dy muaj më vonë në muajin maj. Por tani thuhet se të dy kanë zgjedhur që t’i japin fund lidhjes dhe të shikojnë jetën e tyre. Këngëtarja ka vendosur që në momentin përpara publikimit të albumit të saj të tretë të fokusohet vetëm tek muzika e saj.
Pas publikimit të këngës së saj të fundit ‘Houdini’ muajin e kaluar, ylli 28-vjeçar u nda nga francezi 42-vjeçar. Dyshja u panë për herë të fundit duke shijuar një natë së bashku muajin e kaluar, teksa iu bashkua edhe vëllai i këngëtares. Gjatë verës Dua dhe Romain shijuan pushimet në Greqi, ku nuk mungoi as vizita në Kosovë.
