Ditën e sotme, Shqipëria feston 111-vjetorin e Pavarësisë. E në këtë ditë të madhe për të gjithë shqiptarët festat dhe urimet janë të shumta.
Shqiptarët anë e mbanë botës kanë uruar në këtë ditë të shënuar, përfshirë këtu edhe personazhet e njohur. E sigurisht që një ndër to është edhe këngëtarja e famshme me origjinë shqiptare, Dua Lipa.
Artistja me famë botërore ka bërë disa postime në “Instastory” ku ka uruar festën e Pavarësisë.
“Urime festa e Pavarësisë”, shkruan Dua Lipa në shqip shoqëruar me flamurin dhe simbolin e shqiponjës.
Përpos kësaj këngëtarja e famshme ka postuar edhe disa foto të saj nga vizita e një viti më parë në Shqipëri e mbuluar me flamurin kuq e zi.
