Sarah Berisha është një nga blogeret më të dashura për publikun. Ajo sjell herë pas here trende sa i përket veshjeve si dhe di të guxojë me stilin. Madje ndjekësit e saj i kërkojnë shpesh këshilla se si mund të vishen për evente të ndryshme.
Por jo vetëm kaq, pasi ajo komentohet shumë edhe për lidhjen e saj me DJ PM, me të cilin u njoh dhe krijoi një lidhje brenda shtëpisë më të famshme në Shqipëri, “Big Brother VIP1”.
Fansat janë shumë kuriozë që të dinë sa më shumë detaje rreth çiftit, e si pasojë nuk mungojnë as pyetjet e shumta për ta, në momentin që Sarah bën bashkëbisedime virtuale me ndjekësit.
Kështu ka ndodhur edhe së fundmi, ku dikush e ka pyetur:
“A stresohesh ndonjëherë për të vendosur se ku do të jetoni ti dhe PM në të ardhmen?”.
Blogerja e njohur është treguar shumë e sinqertë me përgjigjen duke thënë “po”.
“Të them të drejtën po. Është e vështirë kur lidhja është në distancë dhe secili nga partnerët ka krijuar baza me vendin ku jeton. Pyetja që më është bërë më shpesh këtë kohë kjo ka qenë.
Gjithsesi do ta gjejmë një të mesme të artë, mjafton të jemi mirë me njëri-tjetrin çdo gjë më pas zgjidhet”, ka shtuar Sarah Berisha.
