Beniada Nishani ka jetuar prej vitesh në Itali, aty ku ka nisur karrierën e saj si modele. Por pas pjesëmarrjes në edicionin e parë të “Big Brother VIP Albania”, ajo vendosi që të transferohej në Shqipëri për të jetuar dhe punuar.
Bukuroshja është mjaft aktive në profilet e saj në rrjetet sociale, ku ndan me mijëra ndjekësit momente të ndryshme nga përditshmëria.
Së fundmi, modelja ka vendosur që të bëjë një bashkëpunim me fansat e saj, të cilët i kanë bërë pyetje nga më të ndryshmet. Duke qenë se ajo ndiqet edhe nga shumë fansa italianë, dikush e ka pyetur se si mund t’a kuptojnë se çfarë thotë, pasi Beniada tashmë flet shqip në postimet e saj.
Nishani duke qeshur i ka kthyer përgjigje që të mësojë gjuhën shqipe, pasi sipas saj, të mësosh një gjuhë të re nuk të bën keq.
“Beniada, ne italianët që të ndjekim si mund të kuptojmë çfarë po thua?”, i ka shkruar një ndjekës nga Italia.
“Atëherë do të përgjigjem në mënyrë shumë të thjeshtë. Do të mësoni gjuhën shqipe edhe ju, nëse dëshironi që të më kuptoni. Jo, duke lënë shakatë. Pse jo, të thoni ‘mirëmbrëma, mirëmëngjes’, të mësosh gjuhë të reja nuk bën kurrë keq”, i përgjigjet Beniada.
