Gazetarja e njohur, Zhaklin Lekatari, e ka nisur mëngjesin e sotëm tek zyrat e Ujësjellësit Tiranë, të cilët duken se nuk i kanë ardhur në ndihmë për problemin që ka me ujin prej disa ditësh.
Përmes një postimi të bërë në profilin e saj të Instagramit, ish-opinionistja e BBV, ka treguar se prej një jave ajo nuk ka mundur të kontaktojë me shërbimin e klientit pasi linjat telefonike nuk punojnë.
“Erdha këtu tek Ujësjellësi, ditën e shtunë, në të cilën nuk ka asnjë njeri për të të ndihmuar ndonse dritaret janë të hapura. E gjitha kjo sepse si cdo ditë tjetër të kësaj jave jam zgjuar pa ujë dhe “call center” nuk punon. Ka një javë që nuk ponon dhe kjo nuk është e shkruar në uebsajtin e Ujësjellësit”.
“Tani ky dreq institucioni, i cili mbahet nga taksat tona, a ka departamente, a ka inxhiniera, që duhet të vijnë të shohin se pse qytetarët që paguajnë taksat nuk kanë ujë? E nëse do banoja në ndonjë lagje në periferi të Tiranës, edhe mund ta kuptoja por unë banoj në Bllok dhe dua ta kuptoj nëse dikush më vjedh ujin apo nuk furnizohem me ujë, duke parë që unë ujin e paguaj. A i kemi tubacionet e prishura? Cili është problemi o Ujësjellësi Tiranë, a mund të ma tregoni se cili është problemi?”, përfundon së thëni Lekatari në videon e publikuar në “Instastory”.
