Javën e kaluar, IPhone 12 i Apple është ndaluar nga një grup rregullator francez dhe sipas lajmeve që qarkullojnë në median franceze, arsyeja është se ky version i telefonave lëshon shumë rrezatim.
Nëse kërkoni në internet për të blerë Iphone 12s në faqet gjermane apo britanike, do mund të gjeni me shumicë por nëse kërkoni në faqet franceze, do të shihni një vrimë të zezë të rrethuar nga iPhone 11s dhe iPhone 13s, si edhe versionet e tjera.
Ky rast ka ngritur shumë pikëpyetje në lidhje me faktin se pse Iphone 12 po testohet pikërisht tani në lidhje me rrezatimin, pikërisht tani që Apple ka ofruar uljen në cmim të këtij produkti? A janë testuar këto pajisje diku tjetër? A është iPhone 12 kaq i rrezikshëm? Cfarë lloj rrezatimi lëshojnë këto pajisje?
Iphone 12 u ndaluar së shituri në Francë pas një testi të bërë nga Agjencia Nacionale e Frekuencave. Agjencia ka deklaruar se momentalisht do të ndalohet shitja e telefonave dhe nëse ato janë në përputhje me standarded e ANFR, ato do mund të jenë sërish në treg për t’u shitur.
Të gjithë telefonat, përfshi edhe iPhonat lëshojnë një kategori rrezesh elektromagnetike, të quajtura radiofrekuencë. Është i njëjti lloj rrezatimi që përdoret për transmetimet radiofonike dhe i referohet valëve elektromagnetike me një frekuencë midis 20 kHz dhe 300 GHz. Rrezatimi radiofrekuencave është kudo dhe bëhet problem i madh nëse dikush ekspozohet ndaj një sasie jashtëzakonisht të lartë të tij.
