Pas përfundimit të rrugëtimit të tij në “Big Brother VIP 2”, Luiz Ejlli, ka qenë në çdo moment në qendër të vëmendjes të fansave.
Përveç angazhimeve në muzikë, këngëtari i dashur për publikun është mjaft aktiv edhe në profilet e tij në rrjetet sociale. Ai ndan me 614 mijë ndjekësit në “Instagram” foto e video të ndryshme nga përditshmëria e tij.
Ditën e sotme, fituesi i edicionit të dytë të BB VIP ka postuar një fotografi nga një studio muzikore. Ai nuk ka treguar nëse është duke u marrë me ndonjë projekt të ri muzikor, por ka pyetur fansat në lidhje me diçka.
“Të bëj një cover nga Elvis Presley?”, është pyetja që Luizi u ka bërë mijëra ndjekësve të tij, duke u lënë gjithashtu dhe dy opsione për t’u përgjigjur, me “po” ose “jo”.
E sigurisht deri tani fansat janë dakord që këngëtari i njohur të bëjë një cover të Presley-t. Madje duket se me zor po presin se cilën këngë ai ka zgjedhur.
