Këngëtarja Fjolla Morina e ka nisur këtë të diel me dashuri dhe energji pozitive. Ajo ka postuar në “Instatsory” një ‘selfie’ me të dashurin e saj të ri.
Fjolla është kujdesur që fytyrën e personit që i ka rrëmbyer zemrën t’ia mbulojë me një emoji zemre. Por nga ana tjetër, ajo nuk ka ngurruar që t’i bëjë një dedikim dashurie në mbishkrimin e fotografisë.
“Sot është festë e dyfishtë, ditëlindja jote dhe përvjetori jonë deri në pafundësi”, ka shkruar këngëtarja shqiptare.
Pas disa periudhave të vështira në jetën e saj këtë vit, Fjolla i është rikthyer normalitetit. Pak ditë më parë ajo na ka prezantuar me të dashurin e saj të ri, dhe duket se po e shijon romancën me të.
Kujtojmë se disa javë më parë, Fjolla ka qenë e shtruar në spital, duke u mbajtur nën kontroll nga gjendja e saj emocionale dhe mendore. Shkak u bënë disa postime në rrjetet e saj sociale, ku nuk mungonin deklaratat e forta, ofendimet dhe akuzat nga figurave publike.
Madje edhe nëna e saj, Selvete Rexha, reagoi gjatë asaj periudhe në lidhje me deklaratat që bënte e bija. Në atë kohë, e ëma e këngëtares shprehej se distancohej plotësisht nga ato çfarë thotë vajza e saj. Gjithashtu u kërkonte falje publikisht personave të përmendur në video-t e Morinës.
