Këngëtarja e famshme shqiptare, Bebe Rexha, ka pozuar së fundmi për revistën e njohur “Elle Brasil”.
Teksa ka shkëlqyer me fustanin elegant që kishte veshur, ajo ka dhënë gjithashtu edhe një intervistë për gazetën, ku ndër të tjera foli për fillimet e karrierës.
36-vjeçarja ka thënë se ka një prejardhje shqiptare, ndërsa tregoi se babai i saj emigroi nga Shqipëria për në Amerikë.
“Gjithmonë kam punuar shumë. Këtë e kam trashëguar nga babai im. Ai emigroi nga Shqipëria dhe iu desh të luftonte shumë për t’u vendosur në Shtetet e Bashkuara. Kështu që mora guximin e tij dhe fillova të punoja me muzikën. Në moshën 16-vjeçare, kisha disa këngë të shkruara dhe ua dërgoja producentëve dhe artistëve në Nju Jork, aty ku edhe jetoja. I publikova edhe në “Myspace” dhe puna filloi të shfaqej. Unë thjesht vazhdova të shkruaja dhe të lidhesha me njerëzit. Mendoj se kjo është mënyra më e mirë për të hyrë në industri”, tregoi Bebe Rexha.
