Kur bëhet fjalë për vlerat ushqyese, vezët janë një nga paketat ushqimore më të fuqishme që mund të futim në trupin tonë.
“Bashkë me qumështin, vezët përmbajnë vlerën më të lartë biologjike ose thënë ndryshe standardin e artë të proteinave”- ka shkruar në blogun e saj Kathleen M. Zelman, dietologe e regjistruar dhe drejtoreshë e të ushqyerit për “WebMD”.
Sipas saj, një vezë ka vetëm 75 kalori, prandaj ka 7 gramë albumina me cilësi të lartë, 5 gramë yndyrë dhe 1,6 gramë yndyra të ngopura, bashkë me hekurin, vitaminat, mineralet dhe karotenoidet.
Dhe jo vetëm kaq, por vezët janë të lehta për t’u konsumuar, tolerohen mirë nga të rinjtë dhe të moshuarit dhe mund t’i konsumojmë në çdo vakt.
Vezët janë vërtet një superushqim, por a mund të hamë shumë prej tyre dhe a do të dëmtojnë trupin tonë në atë rast?
Edhe pse “Medical News Today” thekson se nuk ka kufi për numrin e vezëve që një person mund të hajë, 3 deri në 5 vezë në ditë konsiderohen plotësisht të sigurta, këshillon Kathleen M. Zelman.
