Xhonatan Isufi, i cili njihet me emrin e artit si Don Xhoni, është një reper mjaft i suksesshëm, i cili numëron disa hite muzikore.
Artisti ka patur një verë mjaft të ngarkuar me koncerte si brenda dhe jashtë Shqipërisë dhe pas asaj ngarkese të madhe, Don Xhoni shijoi disa pushime në Spanjë, nën shoqërinë e mikut të tij, Butrint Imeri.
Ditën djeshme, këngëtari i njohur ka bërë një xhest të mrekullueshëm, duke bërë krenarë të gjithë ndjekësit e tij në rrjetet sociale.
Përmes një postimi të bërë në profilin e tij të “Instagramit”, këngëtari ka treguar se falë ndihmës së tij, një familjeje në nevojë i është dhuruar një shtëpi.
“E falenderoj Zotin që në këtë moshë të re, më ka dhënë mundësinë të ndihmoj dike dhe ta bëj të lumtur. Nuk ka ndjenjë më të mirë sesa kur gëzon dikë dhe kjo është arsyeja pse e kemi publikuar. Jo për marketing por për t’ju bërë thirrje të gjithëve ju, që keni mundësi të ndihmoni sado pak. Të gjithë nga pak, në fund bëhet shumë. Zoti na ruajtët të gjithëve”, shkruan reperi bashkangjtur postimit të tij në “Instastory”.
Ky xhest i artistit është komentuar mjaft pozitivisht në rrjetet sociale, duke e falenderuar pafund artistin për këtë bamirësi.
Don Xhoni momentalisht po shijon suksesin e këngës së tij më të re “A m’don”, një projekt muzikor i publikuar rreth një muaj më parë.
