Google, Mozilla, Microsoft dhe Brave kanë lëshuar përditësime emergjente për shfletuesit e tyre të internetit Chrome, Firefox, Edge dhe Brave, teksa atyre iu është bashkuar edhe Tor Browser.
Përdoruesve u është rekomanduar që ta instalojnë këtë përditësim nëse ata e përdorin ndonjërën prej këtyre shfletuesve, pasi që i rregullon disa dobësi kritike të sigurisë.
Këto dobësi u lejonin sulmuesve që të marrin qasje të autorizuar ose që të fusin kode “keqdashëse” tek kompjuterët e përdoruesve, transmeton Telegrafi.
Përveç sigurisë së kompromentuar të shfletuesit të internetit, dobësia lidhet edhe me kodin i cili përdoret për të shfaqur imazhet WebP, një format i cili distribuohet gjerësisht në internet.
Ueb-faqja Stack Diary vë në pah se aplikacione të tilla si Telegram, Affinity, Gimp, Signal, Honeyview, LibreOffice, si dhe një numër i aplikacioneve të Android për shfaqjen e imazheve janë të pambrojtura nga kjo dobësi.
Përdoruesit rekomandohen të përditësojnë shfletuesit e tyre të internetit në versionet më të fundit, në mënyrë që të mbrohen nga veprimet dhe sulmet e mundshme keqdashëse. /Katror.info
