Në fshatin Slivovë, në dalje të Prishtinës janë konfirmuar dyshimet se ka prezencë të mineraleve të arit.
Ariana Resources PLC (AIM:AAU) konfirmoi se kompania hulumtuese dhe zhvilluese e minierave me bazë në Mbretërinë e Bashkuar dhe e fokusuar në Europën Juglindore, Western Tethyan Resources (WTR) ka përfunduar vlerësimin paraprak ekonomik (PEA) për projektin e arit “Slivova” në Kosovë, ku ka rezultuar të ketë vlerë aktuale të arit rreth 27 milionë dollarë, sipas Proactive.
Prodhimi parashikohet në 13 mijë ons ari (368 kilogramë ari), në vit gjatë një linje miniere shtatëvjeçare, si nëntokësore ashtu edhe të hapura, me ritme rikuperimi midis 92-94.5%.
WTR ka një marrëveshje fitimi me Avrupa Minerals ku mund të fitojë deri në 85% të projektit duke shpenzuar 1.8 milionë € dhe deri në 85% të kostos së një studimi më të detajuar të fizibilitetit.
Ky është një rezultat i shkëlqyer për projektin e arit Slivova, duke demonstruar potencialin e tij ekonomik dhe duke theksuar mundësitë për të përmirësuar projektin në një afat më të gjatë”, shtoi Kerim Sener, drejtori menaxhues i Ariana.
“Potenciali më i gjerë i eksplorimit të zonës së projektit Slivova, në veçanti mundësia për të përcaktuar rënien e mëtejshme të mineralizimit të trupit xeheror ekzistues, premton mirë për rritje të mëtejshme ekonomike”, tha ai
“Tani po kërkojmë të përfundojmë punën e mëtejshme për ta demonstruar këtë rezultat pozitivë, nëpërmjet një programi eksplorimi me faza.”
WTR shtoi se kjo punë do të përfshijë një program gërmimi për të përmirësuar eksplorimin në zonat në kufi me zonën e burimeve parësore, duke synuar veçanërisht Dzemailj dhe Valijevishte.
Gjatë pjesës tjetër të vitit 2023, kompania synon të fillojë studimin bazë mjedisor, vlerësimin e ndikimit social dhe të përfundojë planifikimin për një program shpimi.
